Klemen Pisk

1973

Klemen Pisk narodźi so jako najmłódši syn Marije a basnika Bojana Piska w Kranju.

Wón wopyta Kranjski gymnazij a wobdźěła literarny časopis Krogi.

W tutym času wutwori so Gustav jazz band, kotraž pomjenowa so po madźerskim trikowym filmje.

1993

Po złoženju matury poda so do Ljubljany na studij słowjenšćiny. Wosebity zajim zbudźištaj w nim polšćina a słowjanski rěčespyt.

Jeho basniske twórby předstajeja so w hodźinskim rozhłósowym wusyłanju.

1995

Klemen hraje z Marijanom Dovićom na Čopowej dróze w Ljubljanje. Jeho něhdyši sobušuler a ćłon skupiny Gustav jazz band, Rok Svetlič, přidruži so k nimaj z kontrabasom. Tak nasta Žabjak trio, kotryž bu po dróze Ljubljany pomjenowany, na kotrejž zwučowachu.            

Při składnosći wopyta bamža w Słowjenskej, bu hra Před juwelěrskim wobchodom (Pred Zlatarno) wozjewjena. Jan Pawoł II. dósta kopiju knihi.

Tuta kniha bu z Piskowym prěnim knižnym přełožkom z pólšćiny. Za popłatk kupi sebi wespu.

Piskowa słuchohra Lahko noč, Matija Čop (Dobru nóc, Matija Čop) so we wubědźowanju Radija Słowjenska wuznamjeni a bu dwě lěće pozdźišo nahrawana. Wona je tež do pólšćiny přełožena.

Novo mesto bu k městnje prěnich koncertow Žabjak trija.

Sćěhowaše dalši nakład bamžoweje dramy.

Labas vakaras wuda so jako prěnja zběrka basnjow. Baseń Puščavnik in volk (Samotar a wjelk), kotraž namaka so tohorunja w tutej knize, přełoži so do mnoho rěčow.

Žabjak trio wustupi na Trnfest festiwalu w Ljubljanje.

Wuńdźe přełožk Bamžoweje dramy Brat našega Boga (Bratr našeho Boha).

Z literarnym kritikarjom Miranom Štempiharjom přednošuje Klemen na literarnych wječorach po cyłej Słowjenskej.

Klemen předstaji swój spěw Kurtizana w telewizijnym předstajenju Orion.

Druha zběrka basnjow, Visoko in nagubano prapočelo (Wysoke a zmoršćene surowizny), wuńdźe.

Klemenowe basnje buchu w awstriskich literarnych časopisach Manuskripte a Lichtungen wozjewjene; přełožene wot Simony Steharnig a Klausa Detlefa Olofa.

Prěnje nahrawanje Žabjak trija, Doktor piska počasni sving (Doktor piska pomały swing), wuńdźe. Klemen je awtor wječiny spěwow – z Moralitetu wobdźěli so na Festiwalu słowjenskeho spěwa.

Wón wobdźěli so tohorunja na basniskim festiwalu w Medanje, hdźež čitaše swoje basnje a wustupi ze Žabjak trijom. Vesna Zevnik přełoži basnje do jendźelšćiny.

Třeća basniska zběrka, Mojster v spovednici (Mišter w spowědnym stole), wuńdźe.

Wón wustupi na knižnych wikach w Frankobrodźe nad Mohanom.

Čěski časopis Tvar wozjewi interview z nim. Tohorunja wozjewi tež jeho basnje, kotrež přełoži Hanna Chmelikova.

Jemu spožći so stipendij kulturno-wědomostneho instituta Waršawy, hdźež přebywaše w aprilu a meji. W tutym času wustupi na Waršawskej uniwersiće a da interviewy w pólskim rozhłosu.

Ze spěwom Rabelj (Kat) wobdźěli so na Festiwalu słowjenskeho spěwa.

Žabjak trio přemjenuje so na Žabjak bend. Natočenje Aristokrat wuńdźe.

W decembrje wopyta prěni króč Litawsku, hdźež wustupi na filologiskej fakulće Wilny.

Julia Junusova přełoži jeho basnje do ruščiny a Laima Masytė do litawščiny. Kamil Valšik wozjewi přełožk krótkopowědančka Kako sem začel igrati šah (Kak započach šach hrać) w Čěskim literarnym časopisu Babilon.

Basniska zběrka Tych kilka słów (Tych snandnych słowow), přełožena přez Marcina Mielczareka, wuńdźe w Pólskej.

Klemen poda so na turneju přez Pólsku z wustupami w Krakowje, Gdańsku, Waršawje, Katowicach, Bielsko-Białej a Mikołówje.

Bosniski časopis Odjek wozjewi jeho basnje, přełožene přez Silviju Dervišefendić.

Po skripće Klemena nahrawa režiserka Alenka Kraigher film Gramatikus.

Wón dźěše do Wilny, w Litawskej, hdźež wosta skoro tři lěta.

Jako hósć poda so na přeprošenje Liisi Khirug, přełožerki jeho basnjow do finšćiny, do Helsinki. Tam da interview za magacin Kopeekka.

Prěnja hdy z litawšćiny do słowjenšćiny přełožena kniha wuńdźe - Klemenowa zběrka krótkopowědančkow Zgodbe iz Litve (Stawizny z Litawskeje).

Wón da interviewy za litawski rozhłós a magacin Literatūra ir menas.

W nakładnistwje Nova revija wuńdźe kniha krótkopowědančkow z mjenom Pihalec (Dujer).

Wobšěrna zběrka basnistwa Czeslawa Miłosza, Zvonovi pozimi (Zwony w zymje), wozjewi so w rjedźe swojeho skutkowanja jako wudawaćel.

Jelena Balašova přełoži jeho krótkopowědančko Kako sem začel igrati šah (Kak započach šach hrać) do rušćiny.

W měrcu wróći so po skoro třoch lětach žiwjenja w Litawskej do Słowjenskeje.

W oktobrje wuńdźe kniha Pustovnik a vlk (Samotar a wjelk) w Słowakskej. K tutej přiležnosći wustupi Klemen w słowjenskim pósłanstwje w Bratislavje.

Ameriski časopis Fiction Fix wozjewi krótkopowědančko Vilnius, kotrež bu za Pushcart myto nominowane.

Antologija słowjenskich krótkopowědančkow Auksas kišenėje (Złoto w zaku), wobsahujo Klemenowu stawiznu, wuńdźe w Litawskej.